शिवाजी महाविद्यालयात महात्मा बसवेश्वर यांची जयंती साजरी

उदगीर: प्रतिनिधी 

उदगीर येथील शिवाजी महाविद्यालयात  बाराव्या शतकातील कृतीशील सुधारक, जाती निर्मूलनाचे प्रणेते महात्मा बसवेश्वर यांची जयंती साजरी करण्यात आली. यावेळी प्रभारी प्राचार्य डॉ. ए एम नवले यांच्या हस्ते प्रतिमेचे पूजन करून पुष्पहार अर्पण करून अभिवादन करण्यात आले. यावेळी प्रमुख उपस्थिती माजी प्राचार्य डॉ विनायक जाधव यांची होती तर उपप्राचार्य डॉ.आर एम मांजरे, डॉ व्ही के भालेराव, डॉ एस एम कोनाळे, ग्रंथपाल डॉ. विष्णू पवार ,स्टाफ सेक्रेटरी डॉ डी बी कोनाळे ,अधीक्षक व्ही डी गुरनाळे, मुख्य लिपिक,डॉ आर एम लाडके , प्राध्यापक, कार्यालयीन कर्मचारी, शिक्षकेत्तर  कर्मचारी , राष्ट्रीय सेवा योजनेचे स्वयंसेवक यांनी अभिवादन केले. यावेळी महात्मा बसवेश्वर यांच्या जीवन कार्यावर प्रकाश टाकण्यात आला. हा कार्यक्रम जयंती समिती व राष्ट्रीय सेवा योजना यांच्या वतीने घेण्यात आला. या कार्यक्रमाचे प्रास्ताविक व आभार प्रोफेसर डॉ शिंदे एस व्ही यांनी केले.